Poesie di Natale napoletane

Storiche o più moderne, semplici o più complesse: le poesie di Natale in napoletano hanno una loro musicalità che arriva ancora di più nel profondo del cuore. Ecco le nostre preferite:


Poesia per Natale

di Eduardo de Filippo

‘O cunto
E ogn’anno,
‘o mes’ ‘austo,
puntualmente
ognuno conta ‘o cunto
a modo suio…

Ricorde ‘e guaglione

“Augurie e buone feste!
Che purtate don Giuvà?”
“E’ Natale… che vulite,
nu murzillo ‘e baccalà,

vungulelle, cefalotto…
Capírete, ‘o capítone,
nunn’ ‘o pozzo fa mancà.
Se fa chesto p’ ‘o guaglione!

‘E nnucelle, fícusecche,
‘e castagne, nu mellone…
Non pe’ mme, che ve credite,
è p’ ‘e figlie, p’ ‘o guaglione.

Quatte fasce ‘e menestella
dínt’o brodo c’ ‘o capone…
I’ nunn’accattasse niente.
Sulamente… p’ ‘o guaglione.

‘O dulcetto, ‘o struffulillo,
cose d’ ‘a tradizione.
I’ ce tengo ca sti ffeste
s’ ‘e ricorda stu guaglione!”

‘O mumento d’ ‘o cenone
d’ ‘a vigilia di Natale,
ogne cosa ch’io tuccavo:
“Posa lloco, te fa male!”



L’albero ‘e Natale

L’ommo ‘e legge priparava l’albero ‘e Natale

e ‘o posto d’ ‘e palline, ‘e lucciarelle

appenneva malfatti ‘e malfattori.

‘ O magnaccio, ‘a prostituta, terra terra

‘O mariuolo importante ‘o rammo

e l’assassino ‘ncopp’ a cimma.

Pè ffa stù lavuretto

‘nce metteva c’a’ pacienza

esperienza e abilità…è n’ommo ‘e legge.

Comm’era bbello chill’albero!

Tanto bbello, c’o Padreterno

‘o vulette vedè ‘e vicino.

– N’hè buon’ommo – le dicette:

Comme te chiame?

– Alfonso Iacomino, ‘o maresciallo,

a servirvi.

Evvuje, vuje chi site? -

- Io songo ‘o Padreterno – rispunnette ;

- J’ songo chillo cà chist’albero ha criato,

ma accussì bbello ‘un l’aggio visto m’haje! -

Schiaje ‘nu manto ‘e seta bianco,

l’avvulgette e le dicette:

- Ma ‘o ssaje, tu sì ‘nu vero artista…

Viene cù mme, te porto ‘mparadiso|

pecchè ‘o cchiù bello albero ‘e Natale

m’haje fà. Pasquale Jacomino, Napoli 1936

fonte

Nuttata 'e Natale

(Salvatore Di Giacomo) (1898)

Dint'a na grotta scura
dormeno 'e zampugnare:
dormeno, appese a 'e mura,
e ronferno, 'e zampogne
quase abbuffate ancora)
a ll' úrdema nuvena;
e, ghianca, accumparesce e saglie ncielo,
dint' 'a chiara nuttata, a luna chiena.

Dormeno: a mezanotte
cchíù de n' ora ce manca;
e se sparano botte,
s' appícceno bengala,
e se canta e se sona
pe tutto 'o vicenato...
Ma 'o Bammeniello nun è nato ancora,
e nun s' è apierto ancora 'o Viscuvato.

Fora, doppo magnato,
esce nfucata 'a gente:
ccà d' 'o viento gelato,
p' 'e fierre d' 'a cancella,
trase 'a furia ogne tanto...
E c' 'o viento, e c' 'o friddo,
ncopp' 'a paglia pugnente, a ppare a ppare,
dormeno, stracque e strutte, 'e zampugnare…



Torna Natale

(Bovio 1928)

... Torna Natale...
Ggiesù Bammino torna n'ata vota
bene facenno a chi 'o facette male...
comm'a na vota...

E cu nu panariello chino 'e noce
na vecchia saglie 'e ggrade d' 'o spitale...
"Némmero ventequatto... Santacroce...
ca tenga 'na resibbola facciale"...

(E "Ileru Ilero"
m' 'a so' sunnata c' 'o scíalletto rosa,
ca me diceva, T'aggia di' 'na cosa...
Statte cchiù allero!)

E 'o carcerato 'areto a 'na cancella
guarda luntano, senza guardà niente...
So' nove juorne ca le vene a mente
nu vascio scuro cu 'na vícchiatella.

(E "Ileru Ilero"...
sarrà passata na staggiona sana,
ma c aggia fa' si nun me pare overo
ca sta luntana?)

-'0 zampugnaro, sunanno 'a nuvena,
nant' 'a Madonna 'Aiuto s'è 'ncantato ...
"Lleru Ilero - ... Madò, tengo 'na pena
Lleru Ilero - Madò, so' 'nnamurato! "

(E Ammore, Ammore,
nce avevo miso ll'anema e 'o penziero;
avevo ditto: Si 'stu suonno è overo,
torna 'o vapore ... )

Ninno e nennella metteno 'o Bammino
dint' 'o Presepio, sott' 'a grutticella...
Nenna nce allumma 'nnante nu cerino,
ninno, redenno, sona 'a ciaramella...

(E dint' 'o scuro
cchiù fforte chella sera me vasaie...
Dimane tuorne? - Torno. - E giura. - Giuro...
Ma nun turnaie).

Torna Natale...
Ggiesù BammIno torna n'ata vota,
bene facenno a chi 'o facette male
comm'a na vota!



Natale (Presepio in costruzione)

(Russo 1928)


Ma che fai? Addò miette stu craparo?
Chillo te leva tutt' 'a visuale!…
S'ha da mettere accanto all'animale!
E leva 'a Iloco chisto zampugnaro!

E addò se schiaffa? - Ma, cretino caro,
che d'è, presepio, o fosse funerale?!
Comme! Uno appriesso all'ato! '0 castagnaro,
''o scartellato, 'o turco e 'o speziale?

Distribuisci! Fanne una scenetta!
Nu gruppetto c'almeno fa figura!
Che significa, llà, chella carretta?

E chella pacchianella dint' 'o sciallo!
Chella! Chella che porta 'a criatura'! ...
M' 'a piazze sott' 'a coda d' 'o cavallo!



È NATALE!

(L. Somma)


‘O palpito ‘e mille campane
che sonano p’‘a mezanotte
‘a gioia che da’ st’ammuina
anticipa nu quarantotto.
Aunite, c’‘o sciato ‘e ll’affetto,
ce sta’ tutta quanta ‘a famiglia
è doce a campà stu mumento
ch’astregna sti core, atturciglia.
Miraculo ‘e n’attimo ‘e pace
na sosta pe’ l’anzia e l’affanno
pe’ nuje, ca pasture ‘e presebbio,
avimmo campato nat’anno.
Vurria ca stu tiempo nemico
putesse fermà sti minute,
sti ffacce, sti vvocche, sti mmane.
na voce ch’allucca: Salute!
Chist’uocchie che guardano ‘a cimma
‘e n’albero addò l’abbundanza
sta dint’‘e ggranate d’‘e lluce
ch’appicciano ‘o ffuoco ‘e st’ausanza.
Chist’uocchie ca cercano ‘o bbene
tra mille culure ‘e biancale
stunate e ‘mbriacate p’‘o vino
mo so’ lampe ‘e vita, è Natale!



NATALE D’ORO

(L. Somma)

Nuvole, tanta nuvole, p’‘o cielo,
addo’ na luna avara sta’ durmenno,
cummogliono sta Napule c’‘o velo
‘e na cuperta arricamata argiento.
Pe’ ll’aria ‘o suono doce ‘e na zampogna
pare dicesse «‘O vvi’, stammo a Natale»
cercammo ‘e cancella’ d’‘a mente ‘e guaje
pienze a fa’ bbene, scòrdate d’‘o mmale.
Fore a’ na chiesia ride nu pezzente
ringrazia a chi l’ha dato mille lire
e tene mente a chi nun ce da’ niente
comme pe’ di’ «Stò cca’,che d’è nun vide?»
Chesta città ch’ha sbalurdito ‘o munno
è sempe bella, è tutta nu splennore
comme a chi dorme e fa’ nu bellu suonno
‘e nu Natale arravugliato d’oro.



N’AT’ALBA

(L. Somma)

L’eco luntano
ca chiano se perde
d’‘o suono ‘e nuvena,
ce porta na nota
‘ntunata d’‘a musica
doce ‘e Natale.
Pe’ ll’aria,
prufumo ‘e Dicembre,
l’addore d’‘e ppigne.
P’‘e vvie,
frasturnate ‘e rummore,
na smania ‘e sereno.
E ll’uocchie
s’aizeno ‘ncielo
cercanno na lampa cchiù nova
ca desse a stu munno
cuncreta certezza,
ca desse a nu suonno,
vacante ‘e speranza,
chiarore ‘e n’at’alba,
n’at’alba ‘e



PECCHE’ SULO A NATALE?

(L. Somma)

‘O suono ‘e na zampogna
na smania ‘e vulè bbene,
N’albero chino ‘e luce
nu desiderio ‘e pace.
Se stenne ‘a mano pure
a n’antico rivale
se sprecano l’augurie,
è ggià, pecch’è Natale.
Sarrà p’‘o clima ‘e festa
che porta ‘a ricurrenza,
‘o core cagna veste
ritrova na cuscienza.
‘Sta vita, pe’ nu juorno
diventa na livella
e ‘a ggente tutt’attuorno
chisà, pare cchiù bella!
Pure n’ommo ‘nfamone
carezza n’animale
nun fà cchiù ‘o fetendone
le pare naturale.
‘O popolo ‘e stu munno,
arravugliato ‘e male,
diventa bbuono ‘nfunno…
Pecchè sulo a Natale?



24 DICEMBRE

(L. Somma)

E’ nu ricamo ‘o suono ‘e na zampogna
ca vene ‘a miez’’a via, fredda e sulagna,
e dint’a chesta casa chiena ‘e luce,
quanti ccose se stanno appriparanno.
Nannina sta facenno ‘e zeppullelle
‘e cavule e ricotta mentre ‘o nonno
smiccéa scapuzzianno ‘ncopp’‘a seggia
‘o nennillo ca ‘o tira p’’o cazone.
Mammema sta taglianno ‘o capitone.
Papa’ sbarianno attuorno a stu presebbio,
smanea pa’ fa’ appiccia’ na lampadina
senza addunarse ca s’e’ fulminata.
E pe’ tramente ‘o viento tuppettea
‘nfaccia ‘e llastre, io sento dint’’o core
nu tremmulio, nu spànteco, na freva,
n’arteteca me frezzechèa ‘int’’e vvene.
E sfrenneséo, guardanno chistu vico,
me pare d’‘o vedè ammantato ‘e janco
isso,ch’è stato sempe puvieriello,
all’uocchie mieie mo pare nu rignante.
‘A campana d’‘a chiesia d’‘a Cuncordia
mo gia’ se fa’ senti’, sunanno a ffesta,
manca nu quarto d’ora a mezanotte,
sorema guarda fore a’ na fenesta…
«‘O pranzo e’ pronto!» - Nanninella allucca
v’arraccumanno stu giarrone ‘e vino
si non po’ doppo cca’ se fa ‘a cummeddia;
pirciò cercammo ‘e nun ce ‘ntusseca’.
Ninno mo dorme ‘mbraccio a mammarella
dint’’a stanza tutto è silenzio attuorno,
io guardo chesta scena,comm’è bella!
Sta pace ‘int’’a famiglia comm’è doce!
Ma ‘o nonno rompe stu silenzio ‘e ggelo
è ‘o cchiu’ abbasato e dice cose sante:
«È nato ‘o figlio ‘e Ddio, Nostro Signore!»
…E ce facimme ‘a croce tutte quante.



LL’URDEMA NUVENA

(L. Somma)

‘E zampugnare
sempe cchiù raramente
se vedono p’‘e vvie
addò ‘a folla pe’ correre
nun tene manco ‘o tiempo
‘e risciatà.
Pe’ ll’aria, ‘nzieme a nu prufumo ‘e pigne,
se spanneno ‘e nnote, letania ‘e Dicembre
‘e na nuvena scurdata…
Quanta suspire vedenno
na sporta ‘e legnasante…
Fore a na chiesia
miez’‘o tanfo d’‘a gente,
esce ‘o coro ‘e n’Ave Mmaria
mentre na mana se stenne…
Natale nun è pe’ tutte quante
na festa, nu mutivo d’alleria,
è quase sempe na malincunia
pe’ chi tene ‘int’‘o core na poesia.
Addò sta cchiù chella canzone antica
ca parlava d’ammore ‘e nu cafone
pe’ na signora, ch’era tutta Napule,
chien’‘e ricchezza, tutta nu splennore.
E mo sti pasturielle,
luntane d’‘a famiglia pe’ nu mese
accummneciano quanno è ‘a Mmaculata
cercanno ‘a carità pe’ na sunata.
Dint’‘e vascie
addò na vota steveno ‘e madonne,
o na figura ‘e Sante, o Giesù Cristo
truneggia grossa ‘na televisione.
Ma che scennite a fà ‘a sti muntagne
d’‘o Mulise, Matese, d’Avellino,
nun v’accurgite c’ogge n’automobbile
nun v’accumpagna comme a nu traino…
Chiagneve ajere nu ciaramellaro,
core ‘e pute, nu travaso ‘e bbene
mentre sunava, comm’a ffunerale,
‘e nnote triste ‘e ll’urdema nuvena…



Mancava nu mese a Natale...

(L. Somma)

Mancava nu mese a Natale...
Filuccio sunnava 'o presebbio,
Assunta penzava a' befana,
Nannina filava e cantava,
attuorno che cuieta ce steva
pareva 'e senti' gia' 'a nuvena...

'Sta ggente mo e' sulo nu cunto
suspesa tra 'o cielo e na terra
ch'ha avuto cchiu' lutto 'e na guerra,
rusarie 'e ferite arapute,
na scossa l'e' stata fatale,
mancava nu mese a Natale...



PRESEBBIO

(Bruno Alvino)

‘Na ventina ‘e iuorne primma
chi ‘nce tene già prepara
tutto chello ca ce vo’:
frasche ‘e noci, carta, chiuove,
‘o lignammo, ‘o fierro, ‘o spago…
..’a mugliera murmulea:
“Mò accumencia co ‘o cantiere!”
Ogne sera se fa l’opera
…’e creature dint’’e piedi,
isso allucca: “ Chiammatelleee!”
“ Ma pecché l’he fa pe’ forza ‘
‘stu presebbio tutte l’anne?”
Le risponne spazientuta
‘a maesta ‘a ‘int’’a cucina.
“ Che capisci, tu sei fredda!
…manco fusse milanese…”
E martella, scassa, acconcia,
po’ se ferma pe’ pensà?:
“ Ca ce faccio ‘a scesullella…
..l’osteria ‘a metto llà sotto,
…chisto è ‘o posto d’’a capanna..
…e ‘o laghetto addò ‘o preparo?”
Doppe mette ‘e lampadine,
po’ se ‘o ‘ncarta e se ‘o culora.
Finalmente arriva l’ora
‘e ce mettere ‘e pasture,
è ‘o mumento cchiù importante;
chiama ‘e figlie attuorno a isso,
comme fosse ‘na reliquia
piglia ‘a scatola ‘a int’’o stipo
e accumencia ‘a spiegazione:
“ ‘A Madonna, S. Giuseppe,
chisto è ‘o voie e l’aseniello,
e chist’ate è ‘o cacciatore..
‘o vi’ cca po’ l’acquaiuolo,
‘o ferraro, ‘o pescatore…
..e benino ‘o pecuraro!”
E accussì ad uno ad uno,
comme atture ‘ncoppe ‘a scena
se sistema ogne pastore.
Mo’ ca l’opera è fernuta,
isso ‘a guarda superbioso,
comme attorno a ‘na vrasera,
se ce piazza assieme ‘e figlie…
…’a mugliera ‘a sotto ‘a porta
sta guardanno e ‘o pizzo a rriso..
..isso ‘a chiama:”Viene ‘a ccà,
iammo viene…ca te scarfe pure tu"È NATALE!

'A NUVENA

(Di Giacomo, De Leva – 1887)


Nu zampugnaro 'e nu paese 'e fora,
lassaje quase 'nfiglianza la mugliera.
Se partette pe' Napule 'e bon' ora
sunanno, allero allero: ullèro, ullèro.
Uno zampognaro di un paese di fuori,
lasciò la moglie quasi partoriente.
Partì per Napoli di buon ora
suonando, allegro allegro: ullèro, ullèro.

E ullèro, ullèro.
Ma nun era overo:
'o zampugnaro,
penzava â mugliera
e suspirava
e 'a zampogna, 'e suspire s'abbuffava.

Ah…ah…
E ullèro, ullèro.
Ma non era vero:
lo zampognaro,
pensava alla moglie…
e sospirava…
e la zampogna, si gonfiava di sospiri.

Ah…ah…

Cuccato 'ncopp' 'a paglia, 'o Bammeniello,
senza manco 'a miseria 'e na cuperta,
durmeva, 'mmiez'â vacca e ô ciucciariello,
cu ll'uocchie 'nchiuse e cu 'a vucchella aperta.
Sdraiato sulla paglia, il Bambinello,
senza neanche lo straccio di una coperta,
dormiva, tra il bue e l'asinello,
con gli occhi chiusi e con la bocca aperta.

E ullèro, ullèro
che bella faccella,
che bella resélla,
faceva Giesù
quanno 'a Madonna
cantava: "Core mio, fa' nonna nonna".

Ah…ah…
E ullèro, ullèro…
che bel faccino,
che bel sorrisino,
faceva Gesù
quando la Madonna
cantava: "Cuore mio, fai la nanna".

Ah…ah…

Mmerz' 'e vintuno, 'e vintiduje d' 'o mese,
na lettera lle dettero â lucanna.
'Sta lettera veneva da 'o pagghiese
e sotto era firmata: Marianna.
Verso il ventuno, ventidue del mese,
gli diedero una lettera alla locanda.
questa lettera arrivava dal paese
e sotto era firmata: Marianna.

"E ullèro, ullèro.
Sto bene in salute
e cosí spero
sentire di te:
sono sgravata
e duje figlie aggio fatto, una figliata".

Ah…ah…
"E ullèro, ullèro.
Sto bene in salute
e così spero
di sentirti:
ho partorito
e ho fatto due figli, una figliata."

Ah…ah…

Tu scendi dalle stelle, o Re del cielo,
e nuje pigliammo 'e guaje cchiù alleramente.
Tasse, case cadute, freddo e gelo,
figlie a zeffunno, e pure nun fa niente.
Tu scendi dalle stelle, o Re del cielo,
e noi prendiamo i guai più allegramente.
Tasse, case cadute, freddo e gelo,
figli a iosa, eppure non fa niente.

Ullèro, ullèro.
Sunate e cantate.
Sparate, sparate
ch'è nato Giesù!
Giesù Bambino.
E 'a Vergine Maria s' 'o tene 'nzino.

Ah…ah… Ullèro, ullèro.
Suonate e cantate
Sparate, sparate
che è nato Gesù!
Gesù Bambino.
E la Vergine Maria lo tiene in grembo.

Ah…ah…

Natale

Cumm’è bell’Natale,

a sera d’a Virgilia è tutta n’allegria p’a nascit’e Gesù.

A tavola apparicchiata, l’arber’allumminato.

‘O presepio sta stutato pecchè a mezzanotte s’add’appiccià.

Mammà int’a cucina prepar’e cose bone

e frie ‘o capitone ca nun ce pò mancà!

” ‘A casa è chin’e fummo!” Allucca già papà

“arape stu balcone ca nun se pò respirà!”

O’nonno friddugliuso annanz’a nu vrasere

ch’e mmane dint’e mane se piglia tutt’o calore!

Natale è pruvverenza ce penz’ ‘o Bambiniello ‘o ricco e ‘o puveriello a tutti fa campà !

Mancava nu mese a Natale

Mancava nu mese a Natale

Filuccio sunnava 'o presebbio

Assunta penzava 'a befana

Nannina filava e cantava

attuorno che cujeta ce steve

pareva 'e sentì già ' a nuvena...



Sta ggente mo è sola nu cunto

suspesa tra 'o cielo e na terra

ch'ha avuto cchiù lutte 'e na guerra

rusarie 'e ferite arapute

na scossa l'è stata fatale

mancava unu mese a Natale...

E’ Natale

'O palpito 'e mille campane
che sonano p''a mezanotte
'a gioia che da' st'ammuina
anticipa nu quarantotto.



Aunite,c''o sciato 'e ll'affetto,
ce sta' tutta quanta 'a famiglia
e' doce a campa' stu mumento
ch'astregna sti core,atturciglia.

Miraculo 'e n'attimo 'e pace
na sosta pe' l'anzia 'e l'affanno
pe' nuje,ca pasture 'e presebbio,
avimmo campato nat'anno.

Vurria ca stu tiempo nemico
putesse ferma' sti minute,
sti ffacce,sti vvocche,sti mmane.
Na voce ch'allucca: Salute!

Chist'uocchie che guardano 'a cimma
'e n'albero addo' l'abbundanza
sta dint''e ggranate d''e lluce
ch'appicciano 'o ffuoco 'e st'ausanza.

Chist'uocchie ca cercano 'o bbene
tra mille culure 'e biancale
stunate e 'mbriacate p''o vino
mo so' lampe 'e vita,e' Natale!

Pastorale

Quanno nascette Ninno a Bettlemme
Era nott’e pareva miezo juorno.
Maje le Stelle – lustre e belle Se vedetteno accossí:
E a cchiù lucente
Jett’a chiammà li Magge all’Uriente.

De pressa se scetajeno l’aucielle
Cantanno de na forma tutta nova:
Pe ‘nsí agrille – co li strille,
E zombanno a ccà e a llà;
È nato, è nato,
Decevano, lo Dio, che nc’à criato.

Co tutto ch’era vierno, Ninno bello,
Nascetteno a migliara rose e sciure.
Pe ‘nsí o ffieno sicco e tuosto
Che fuje puosto – sott’a Te,
Se ‘nfigliulette,
E de frunnelle e sciure se vestette.

A no paese che se chiamma Ngadde,
Sciurettero le bigne e ascette l’uva.
Ninno mio sapuritiello,
Rappusciello – d’uva -sì Tu;
Ca tutt’amore
Faje doce a vocca, e po ‘mbriache o core.

No ‘nc’erano nnemmice pe la terra,
La pecora pasceva co lione;
Co’ o caprette – se vedette
O liupardo pazzeà;
L’urzo e o vitiello
E co’ lo lupo ‘npace o pecoriello.

Se rrevotaje nsomma tutt’o Munno,
Lu cielo, a terra, o mare, e tutt’i gente.
Chi dormeva – se senteva
‘Npiett’o core pazzeà
Pe la priezza;
E se sonnava pace e contentezza.

Guardavano le ppecore i Pasturi,
E n’Angelo sbrannente cchiù d’o sole
Comparette – e le dicette:
No ve spaventate no;
Contento e riso
La terra è arreventata Paraviso.

A buie è nato ogge a Bettalemme
Du Munno l’aspettato Sarvatore.
Dint’i panni o trovarrite,
Nu potite – maje sgarrà,
Arravugliato,
E dinto a lo Presebbio curcato.

A meliune l’Angiule calate
Co chiste se mettetten’a cantare:
Gloria a Dio, pace’n terra,
Nu cchiù guerra – è nato già
Lo Rre d’amore,
Che dà priezza e pace a ogni core.

Sbatteva o core mpietto a ssi Pasture;
E l’uno ‘nfaccia all’auto diceva:
Che tardammo? – Priesto, jammo,
Ca mme sento scevolí
Pe lo golfo
Che tengo de vedè sso Ninno Dio.

Zombanno, comm’a ciereve ferute,
Correttero i Pasture a la Capanna;
Là trovajeno Maria
Co Giuseppe e a Gioja mia;
E ‘n chillo Viso
Provajeno no muorzo e Paraviso.

Restajeno ‘ncantate e boccapierte
Pe tanto tiempo senza dì parola;
Po jettanno – lacremanno
Nu suspiro pe sfocà,
Da dint’o core
Cacciajeno a migliara atte d’amore.

Co a scusa de donare li presiente
Se jetteno azzeccanno chiano chiano.
Ninno no li refiutaje,
L’azzettaje – comm’a ddí,
Ca lle mettette
Le Mmane ‘n capo e li benedicette.

Piglianno confedenzia a poco a poco,
Cercajeno licenzia a la Mamma:
Se mangiajeno li Pedille
Coi vasille – mprimmo, e po
Chelle Manelle,
All’urtemo lo Musso e i Mascarielle.

Po assieme se mettetteno a sonare
E a cantà cu l’Angiule e Maria,
Co na voce – ccossí doce,
Che Gesù facette: ah aah…
E po chiudette
Chill’uocchie aggraziate e s’addormette.

La ninna che cantajeno mme pare
Ch’avette a esse chesta che mò dico.
Ma nfrattanto – o la canto,
Mmacenateve de stà
Co li Pasture
Vecíno a Ninno bello vuje pure.

“Viene suonno da lo Cielo,
Vien’e adduorme sso Nennillo;
Pe pietà, ca è peccerillo,
Viene suonno e non tardà.

Gioia bella de sto core,
Vorria suonno arreventare,
Doce, doce pe te fare
Ss’uocchie bell’addormentà.

Ma si Tu p’esser’amato
Te si fatto Bammeniello,
Sulo amore è o sonnariello
Che dormire te po fa.

Ment’è chesto può fa nonna,
Pe Te st’arma è arza e bona.
T’amo, t’a… Uh sta canzona
Già t’ha fatto addobeà!
T’amo Dio – Bello mio,
T’amo Gíoja, t’amo, t’a…

Cantanno po e sonanno li Pasture
Tornajeno a le mantre nata vota:
Ma che buò ca cchiù arrecietto
Non trovajeno int’a lu pietto:
A o caro Bene
Facevan’ ogni poco ò va e biene.

Lo ‘nfierno sulamente e i peccature
Ncocciuse comm’a isso e ostinate
Se mettetteno appaura,
Pecchè a scura – vonno stà
Li spurtegliune,
Fujenno da lo sole li briccune.

Io pure songo niro peccatore,
Ma non boglio esse cuoccio e ostinato.
Io non boglio cchiù peccare,
Voglio amare – voglio stà
Co Ninno bello
Comme nce sta lo voje e l’aseniello.

Nennillo mio, Tu si sole d’amore,
Faje luce e scarfe pure o peccatore
Quanno è tutto – niro e brutto
Comm’a pece, tanno cchiù
Lo tiene mente,
E o faje arreventà bello e sbrannente.

Ma Tu mme diciarraje ca chiagniste,
Acciò chiíagnesse pure o peccatore.
Agg o tuorto – haje fosse muorto
N’ora primmo de peccà!
Tu m’aje amato,
E io pe paga t’aggio maltrattato!

A buje, uocchie mieje, doje fontane
Avrite a fa de lagreme chiagnenno
Pe llavare – pe’ scarfare
Li pedilli di Giesù;
Chi sa pracato
Decesse: via, ca t’aggio perdonato.

Viato me si agqio sta fortuna!
Che maje pozzo cchiù desiderare?
O Maria – Speranza mia,
Ment’io chiango, prega Tu:
Penza ca pure
Si fatta Mamma de li peccature

(S. Alfonso Maria de’ Liguori 1758)

Calannario

Mo accumencia l'anno nuovo,
è Jennaro, ch'alleria!
Cu 'a speranza e 'a fantasia,
tu te pienze ca chist'anno
forse è cchiù meglio 'e chill'ato...
quanno è a fine t'he sbagliato.

A Febbraio nce sta 'o viglione:
chi se veste d'arlecchino,
pulcinella o colombina...
e me fanno tanta pena
chesti ggente cu sti facce:
ma songh'uommene o pagliacce?!

Quanno vene 'o mese 'e Marzo
pure 'e ggatte fanno ammore,
ch'aggia fa? Me guardo a lloro?
'Mmiezo 'e grade cu 'a vicina,
faccio un anema e curaggio
e m'acchiappo nu passaggio.

Comme è ddoce 'o mese Abbrile,
tutta ll'aria è profumata!
P' 'e ciardine quanno è 'a sera
cu na femmena abbracciata,
musso e musso, core e core...
tutta smania e tutto ammore.

Quant'è bello 'o mese 'e Maggio
quanno schioppano sti rrose!
Che prufumo int'a stu mese
pe Pusiileco addiruso!
Stongo 'nterra o 'mparaviso
quanno tu staje 'mbraccio a mme?

Quanno è Giugno la stagione
vene e trase chianu chiano:
s'ammatura pure 'o ggrano,
s'ammatura tutte cose...
Pure 'a femmena scuntrosa
tu t' 'a cuoglie cu nu vaso.

Quanno è Luglio 'mmiezo 'o mare,
'ncopp' 'a spiaggia, 'nterra 'a rena
mamma mia, quanta sirene!
Io cu ll'uocchie m' 'e magnasse;
guardo a chesta, guardo a chella,
ma pe mme tu si 'a cchiù bella!

Quanno è Austo che calore!
lo nun saccio che me piglia...
Chistu sole me scumpiglia!
E te guardo cu passione:
volle 'o sango dint' 'e vvene
e nisciuno me trattene.

è chest'aria settembrina
ca te mette dint' 'e vvene
tanta smania 'e vulè bbene!
Nu suspiro, ciente vase
mille cose e 'o desiderio
ca st' ammore fosse serio.

Vene Uttombre, int' 'a stu mese
ll'aria è fresca p' 'a campagna.
Chisto è tiempo d' 'a vennegna,
si t'astrigne a na cumpagna
zittu zittu dint' 'a vigna,
nun se lagna e lass'a fà.

Chiove, nebbia, scura notte.
Stu Nuvembre porta 'mpietto
nu ricordo fatto a llutto:
nu canisto 'e crisanteme...
chistu sciore, che tristezza,
mette 'ncore n'amarezza!

A Natale, 'o zampugnaro,
'e biancale, 'e spare, 'e bbotte,
'o presebbio a piede 'o lietto.
Quann' è 'mpunto mezanotte
cu mugliereta tu miette
'o Bambino dint' 'a grotta...

Toto'

William-Adolphe Bouguereau, La Madonna delle Rose

A Madonna d'a notte è Natale!

All’intrasatta, int’’a nuttata cupa,
na stella d’oro accumparette ‘n cielo…

“Venite…currite”… alluccava quaccuno…
‘Mparanza ate vvoce , vicine e luntane,
perciavano l’aria: “Currite… guardate
che cielo lucente… miliarde so’ ‘e stelle
ca pittano ’argiento muntagne e vallate…
Currite, cantate, fenuta è ‘a tristezza,
sanato è ‘o dulore e nun ce sta core
ca tene scurore. Chi chiagne, mo chiagne
pecché stu mumento dà gioja e priezza!
Sentite pe’ ll’aria che pace e armunia…
Na pòvera stalla, ‘a pòvera ch’era,
s’è tutta vestuta ‘e rubine e diamante,
‘sta Luce è na Luce cchiù bella d’’o sole
e fa tutt’’e ccose gentile e affatate,
attuorno nisciuna afflezione ce sta,
né tuorte, né nfamie, né cchiù schiavitù,
è tutta na mùseca d’angele e arcangele…
è nnato nu Ninno ca porta sullievo,
riala salvezza, surrise, cunforte
e dà na speranza pure a cchill’ommo
ca troppo ha patuto e nun spera cchiù…
stu Ninno ha vinciuto ogni male, ogni pena,
stu Ninno ha vinciuto ‘o nniro d’’a morte!
Venite… guardate… è nato Gesù… “

Cu ‘a paglia ch’arunaje d’’a mangiatora,
Giuseppe ‘appriparaje na cunnulella,
e c’’o mantiello
tagliato a ddoje mmità
facette nu cuscino e ‘a cupertella.
Che folla steva for’a chella stalla,
e gente ancora n’arrivava, tanta!
Gesù liggeva dint’’e core ‘e ognuno,
‘sta folla ‘a canusceva tutta quanta,
uommene buone, e quante ne vedeva!...
però vedeva pure ‘e malamente,
gente senza cuscienzia e senza Dio,
fàveze, tradetòre e delinquente.
E ‘o Bammeniello accumminciaje a chiagnere…
Maria s’’o piglia ‘mbraccia, l’accarezza,
‘o cunnuleja, s’’o vasa, le suspira:
- “Ninno mio bello, nun havé’ appaùra,
io sto vicino a tte, cu tte stongh’io,
sempe vicino mamma te starrà,
sempe vicino.”-
Gesù ‘a guardaje
fisso int’a ll’uocchie
e nun chiagnette cchiù…
facette ‘o pizzo a rrisa… e s’accuietaje…

Raffaele Pisani

Auguri di Buon Anno: con frasi e proverbi napoletani

I proverbi e le poesie di napoletane sono divertenti sì, ma anche dai significati profondi e ideali per gli Auguri di Buon Anno 2020. Ecco a voi una selezione di frasi e poesie da inviare amici e parenti.

redazione

Fare un augurio di buon anno 2024 è doveroso nei confronti delle persone alle quali teniamo. Amici, fidanzati, parenti o anche colleghi, tutti hanno un messaggino da inviare o condividere e se i messaggini sono scritti in napoletano sono ancora più esilaranti, divertenti ma anche commuoventi ed emozionanti.

Auguri di buon anno in napoletano

Abbiamo così selezionato una serie di frasi, aforismi, proverbi, poesie e canzoni da poter inviare come augurio di buon anno 2024 via WhatsApp, sms, da condividere su Facebook o su Instagram.

Che fai a Natale? – Io mi metto a tavola, – E a Capodanno? – Me soss’! Auguri di Buone Feste!

Pascà, ma comm’è, mangi bendato? – Eh, ‘o miereco m’ha ditto che a Natale nun pozz’ vere’ ‘o magna! Buon Anno Nuovo!

Aiza, aiza, aiza…

Acala acala acala.

Accosta, accosta, accosta:
a saluta nosta!

Alcuni proverbi per il nuovo anno che invitano a non mollare mai

È meglio a zuppecà’ ca a nun cammenà’.

È meglio zoppicare che non camminare. Nella vita bisogna sempre accontentarsi.

So’ cadute l’anielle, ma so’ restate ‘e ddéte!

Sono caduti gli anelli ma sono rimaste le dita. È arrivata d’improvviso la povertà, ma resta ancora la possibilità di rifarsi una vita.

Da cà a dimane nasceno ciente pape.

Da qui a domani nascono cento papi. Tutto può accadere in poco tempo.

Quann’ ‘o mare è calmo, ogni strunz è marenaro.

Quando il mare è calmo, ogni stupido è marinaio.

‘A vita è tosta e nisciuno ti aiuta, o meglio ce sta chi t’aiuta ma una vota sola, pe’ puté di’: “t’aggio aiutato”.

La vita è dura e nessuno ti aiuta, o meglio c’è chi ti aiuta ma una volta sola, per poterti dire: “ti ho aiutato”. (Eduardo De Filippo)

‘O pesce gruosso se magna ‘o piccerillo.

Il pesce grande mangia il piccolo.

Meglio murí sazzio ca campà diúno.

Meglio morire sazio, che vivere a digiuno.

Nun se fa niente pe’ ssenza niente.

Non si fa niente per niente.

Tutto ‘o lassato è perduto.

Tutto il lasciato è perso. Ciò che ci si è perso è perso per sempre.

Nun vàlene tanta sunate ‘i campane, quant’a na bona calata ‘i sole!

Non valgono tanti rintocchi a distesa di campane, quanto un buon tramonto! Non conta tanto aver vissuto una vita colma di successi, quanto morire onoratamente.

Pazzo chi joca e pazzo chi nun ghioca.

Pazzo chi gioca e pazzo chi non gioca. È folle rischiare, ma lo è altrettanto non prendere mai rischi.

E chiacchiere s’ ‘e pporta ‘o viento; ‘e maccarune jengheno ‘a panza.
Le chiacchiere se le porta il vento; i maccheroni riempiono la pancia. Le parole sono inconsistenti.

Poesie napoletane sul Capodanno

Callenario

Totò

Mo accumencia l’anno nuovo,
è Jennaro, ch’alleria!
Cu’ ‘a speranza e ‘a fantasia,
tu te pienze ca chist’anno
forse è cchiù meglio ‘e chill’ato
quanno è a fine t’he sbagliato.

A Febbraio ‘nce sta ‘o viglione:
chi se veste d’Arlecchino,
Pulcinella o Colombina
e me fanno tanta pena
chesti ggente cu’ ‘sti facce:
ma songh’uommene o pagliacce?!

Quanno vene ‘o mese ‘e Marzo
pure ‘e ggatte fanno ammore,
ch’aggia fa? Me guardo a lloro?
‘Mmiezo ‘e grade cu ‘a vicina,
faccio un anema e curaggio
e m’acchiappo nu passaggio.

Comme è ddoce ‘o mese Abbrile,
tutta ll’aria è profumata!
P’ ‘e ciardine quanno è ‘a sera
cu na femmena abbracciata,
musso e musso, core e core
tutta smania e tutto ammore.

Quant’è bello ‘o mese ‘e Maggio
quanno schioppano ‘sti rrose!
Che prufumo int’a ‘stu mese
pe’ Pusiileco addiruso!
Stongo ‘nterra o ‘mparaviso
quanno tu staje ‘mbraccio a mme?

Quanno è Giugno la stagione
vene e trase chianu chiano:
s’ammatura pure ‘o ggrano,
s’ammatura tutte cose
Pure ‘a femmena scuntrosa
tu t’ ‘a cuoglie cu nu vaso.

Quanno è Luglio ‘mmiezo ‘o mare,
‘ncopp’ ‘a spiaggia, ‘nterra ‘a rena
mamma mia, quanta sirene!
Io cu’ ll’uocchie m’ ‘e magnasse;
guardo a chesta, guardo a chella,
ma pe’ mme tu si ‘a cchiù bella!

Quanno è Austo che calore!
lo nun saccio che me piglia,
chistu sole me scumpiglia!
E te guardo cu passione:
volle ‘o sango dint’ ‘e vvene
e nisciuno me trattene.

E’ chest’aria settembrina
ca te mette dint’ ‘e vvene
tanta smania ‘e vulè bbene!
‘Nu suspiro, ciente vase
mille cose e ‘o desiderio
ca st’ ammore fosse serio.

Vene Uttombre, int’ ‘a stu mese
ll’aria è fresca p’ ‘a campagna.
Chisto è tiempo d’ ‘a vennegna,
si t’astrigne a na cumpagna
zittu zittu dint’ ‘a vigna,
nun se lagna e lass’a fà.
Chiove, nebbia, scura notte.

‘Stu Nuvembre porta ‘mpietto
‘nu ricordo fatto a llutto:
‘nu canisto ‘e crisanteme
chistu sciore, che tristezza,
mette ‘ncore n’amarezza!

A Natale, ‘o zampugnaro,
‘e biancale, ‘e spare, ‘e bbotte,
‘o presebbio a piede ‘o lietto.
Quann’ è ‘mpunto mezanotte
cu mugliereta tu miette
‘o Bambino dint’ ‘a grotta.





napolimilionaria.it


fonte